لو يهمك نجااح المنتدى(الرجاء الدخول للاهميه)

الاعضاء والضيوف الكرام

على فكرة المنتدى هو بيتكم الثانى يعنى نقدر نقول انك لما تكون زعلان ادخل واشكى لنا همك ولما تكون فرحان ادخل وشاركنا فرحك احنا كلنا هنا اخوات يعنى نفرح على فرح بعض ونحزن على حزن بعض ونواسى بعض

طيب ازاى بقا المنتدى ينجح ويكون كويس
اقولكوا
اولا:لازم نرحب بالاعضاء الجدد هاجر و وايت ليون و محمد صبرى وطبعا برحب ب سوما و رانيا و انر803 وايمان والخفاش وسندريلا مش عاوزة انسى حد

ثانيا الرجاء منك قبل كتابه اى موضوع انكوا تردوا على 3 او 4 مواضيع على الاقل طبعا مش بجبركوا على ده بس اقصد من ده اننا نتواصل وندى لبعض اهتمام يعنى اللى يكتب موضوع يحس انه فعلا بيتقرى مش مجهوده ضاع فى الهوا

ثالثا لازم الواحد يرد بكلمه شكرا على مرورك وردك وهكذا علشان اللى علق على موضوعك يستاهل انك تقوله كلمه شكر

ولازم نسأل على بعض يعنى لو لاقينا عضو مختفى عن الانظار نسأل عليه وانا شايفه ان الخفاش بقاله كتير مظهرش كلنا نسأل عليه
واخيرا المنتدى الناجح مش ان اعضائه يكونوا كتير وانما انه يكون اعضائه مترابطين واسرة واحده
فى حاجة كمان العضو المميز مش بس انه يكتب مواضيع كتير لأ لازم كمان تكون مواضيعه هادفه ومفيدة
يلا يومكوا سعيد واسألوا على بعض

اى خدمه
بس بجد نفسى كل الاعضاء يقروا الموضوع وينفذوه

يومكوا سعيييييييييييييد